Það eru aðeins tæplega 200 ár liðin frá því menn sáu Suðurskautslandið í fyrsta sinn. Hinn 27. janúar 1820 sáu Fabian Gottlieb von Bellingshausen, þýskættaður höfuðsmaður og landkönnuður í rússneska flotanum, og undirmenn hans glitta í hina ísilögðu heimsálfu eilífs vetrar frá skipum sínum. Og það var ekki fyrr en í byrjun tuttugustu aldarinnar að tæknin leyfði mönnum í fyrsta sinn að kanna Suðurskautslandið almennilega.

Sumarið 1911 ferðaðist hópur ástralskra vísindamanna til Suðurskautslandsins og dvaldi þar til 1914. Jarðfræðingurinn Dr Douglas Mawson var leiðangursstjóri. Þetta var á sama tíma og könnuðir á borð við Roald Amundsen, Robert Falcon Scott, Ernest Shackleton og fleiri sögufrægir menn drýgðu hetjudáðir miklar í þessari leyndardómsfullu álfu.

Mawson leiddi menn sína til King George V Land og Adelie Land, þess hluta Suðurskautslandsins sem er beint suður af Ástralíu, en það voru nær algjörlega ókunn lönd á þeim tíma.

Hér sjáum við myndir sem ljósmyndarinn Frank Hurley tók í bæði þessum sögufræga ástralska leiðangri og fleiri ferðum sem farnar voru árin á eftir. Myndirnar eru varðveittar í State Library of New South Wales.

Borgarísjaki í sumarbirtu.

Svepplaga borgarísjaki.

Svissneski könnuðurinn Xavier Mertz í endalausri ísbreiðunni, 1912. Hann lést árið síðar á Suðurskautslandinu.

Harold Hamilton og beinagrind af sæfíl.

Hellir sem hafið myndaði í ísnum.

Flak skipsins 'Gratitude', Macquarie-eyja, 1911.

Ævintýramaðurinn Francis Howard Bickerton og ísinn.

Hvolpurinn Blizzard.

Arthur Sawyer, loftskeytamaður, með ungum sæfílum.

C.T. Madigan með ísgrímu.

Sæfílsurta, Macquarie-eyja.

Huskiehundar draga sleðann.

Héluð mörgæs.

Vetrarbúðir á Queen Mary Land.